Քոչարյանն ընտրություններին կմասնակցի՝ գլխավորելով կուսակցությունների դաշինքը
ՀՀ երկրորդ նախագահ Ռոբերտ Քոչարյանը կմասնակցի խորհրդարանական արտահերթ ընտրություններին՝ գլխավորելով կուսակցությունների դաշինքը։ Այդ մասին նա ասել է Ռուսաստանի Առաջին ալիքով եթեր հեռարձակվող «Պոզներ» ծրագրին տված հարցազրույցում, գրում է ՏԱՍՍ-ը։
«10 տարի ղեկավարել եմ երկիրը, բայց անկուսակցական եմ։ Մասնակցելու եմ ընտրություններին՝ գլխավորելով կուսակցությունների դաշինքը։ Հավանաբար, դա երկու կուսակցության դաշինք կլինի»,-ասել է Քոչարյանը՝ չհստակեցնելով, թե հատկապես որ կուսակցությունների մասին է խոսքը։
Խորհրդարանական արտահերթ ընտրությունները Հայաստանում նախատեսվում է անցկացնել հունիսի 20-ին։
