Covid-19-ով վարակված 72-ամյա պացիենտը ցած է նետվել ԲԿ պատուհանից
Երևանում կորոնավիրուսով հիվանդներին սպասարկող բժշկական կենտրոններից մեկում 72-ամյա պացիենտը հիվանդասենյակի պատուհանից նետվել է ցած:
«Տղամարդը ստացիոնարում բուժման ընթացքում հրաժարվել է բժշկական օգնությունից: Հոգեբանի հետ բազմաթիվ զրույցներից հետո վերջինս նույնպես չի փոխել իր կարծիքը և դարձյալ հրաժարվել է բուժումից: Լուսադեմին գտել են նրա դին»,-փոխանցում են առողջապահության նախարարությունից։
ԱՆ-ից հայտնում են, որ այժմ տեղում աշխատում է ոստիկանությունը՝ դեպքի հանգամանքները պարզելու համար:
