Թաներ Աքչամը Ցեղասպանության մասին նոր գիրք է գրել
Հայտնի թուրք պատմաբան Թաներ Աքչամը նոր գիրք է գրել Հայոց ցեղասպանության մասին։ Այդ մասին հեղինակը տեղեկացրել է ֆեյսբուքյան իր էջում։
Աքչամն այն սակավաթիվ թուրք գիտնականներից է, որը ճանաչում և դատապարտում է Հայոց ցեղասպանությունը։
Գիրքը թուրքալեզու է։
«Իմ նոր թուրքերեն գիրքը: Հայոց ցեղասպանության համառոտ պատմությունն է․․․ Սա հիանալի զգացողություն է՝ ասես նորածին երեխա լինի»,- գրել է Աքչամը։
Աքչամը 20-րդ դարի 70-ականներին հեռացել է հայրենիքից: Նա մի քանի աշխատություն ունի՝ նվիրված Հայոց ցեղասպանությունը։ Նա «Կայսրությունից հանրապետություն», «Թուրքական ազգայնամոլությունը և Հայոց ցեղասպանությունը», «Ամոթալի ակտ. Հայոց ցեղասպանությունը և Թուրքիայի պատասխանատվությունը» գրքերի հեղինակ է:
