Մարտի 1-ի զոհերի իրավահաջորդների պաշտպանը կմասնակցի ԱԺ արտահերթին Բաբաջանյանի կուսակցության հետ
Հայտնի փաստաբան, Մարտի 1-ի զոհերի իրավահաջորդների պաշտպան Սեդա Սաֆարյանը կմասնակցի առաջիկա խորհրդարանական արտահերթ ընտրություններին։ Նա կընդգրկվի «Հանուն Հանրապետության» կուսակցության ցուցակում, ասվում է կուսակցության ֆեյսբուքյան էջում։
«Հանուն Հանրապետության» կուսակցության ղեկավար մարմնի անդամ է Ազգայն ժողովի անկախ պատգամավոր Արման Բաբաջանյանը։
«Ցանկանում ենք ձեզ տեղեկացնել, որ Սեդա Սաֆարյանը մեր կուսակցության հետ մասնակցելու է առաջիկա արտահերթ խորհրդարանական ընտրություններին»,-ասվում է գրառման մեջ։
Սեդա Սաֆարյանը Հանրային խորհրդի նախագահ Ստյոպա Սաֆարյանի քույրն է։
