ԱՄՆ հայ համայնքի ներկայացուցիչները դուրս են եկել ամերիկյան քաղաքների փողոցներ՝ երախտագիտություն հայտնելով իշխանություններին, մասնավորապես՝ նախագահ Ջո Բայդենին, Հայոց ցեղասպանությունը պաշտոնապես ճանաչելու համար։
Ակցիաներին են միացել կոնգրեսականներ Ադամ Շիֆը, Ջիմմի Գոմեսը և այլոք, տեղեկացնում է Sputnik Արմենիան։
Ամերիկայի Հայ դատի հանձնախումբը տեսանյութ է հրապարակել ֆեյսբուքայն իր էջում Նյու Յորքում տեղի ունեցած երախտիքի երթից։ Մարդիկ փողոց են դուրս եկել պաստառներով և ՀՀ դրոշներով նախագահ Ջո Բայդենի ուղերձից անմիջապես հետո։
ԱՄՆ նախագահ Ջո Բայդենը Հայոց ցեղասպանության 106-րդ տարելիցի կապակցությամբ իր ուղերձում ցեղասպանություն է որակել 1915թ․ հայերի բնաջնջումն Օսմանյան կայսրությունում։