ՀՀ երկրորդ նախագահ Ռոբերտ Քոչարյանն աջակցիների հետ հանդիպմանը հայտարարել է, որ հնարավորություն կա Հայաստանը մեծ շինհրապարակի վերածելու, բոլորի համար աշխատատեղ ստեղծելու։
«Ուղղակի պետք է աշխատել, լինել կարգապահ, պատասխանատվություն ստանձնել, հաստատուն քայլերով շարժվել՝ Հայաստանի վերականգնման ուղղությամբ»,- ասել է նա հանդիպմանը, որից մի հատված հրապարակվել է ֆեյսբուքյան էջում։
Քոչարյանն ասել է՝ ով չի ուզում աշխատել՝ թող իրեն չընտրի, ձայն չտա։
Նա սխալ է համարել Գյուղատնտեսության նախարարության փակումը մի երկրում, որի բնակչության 25-30 տոկոսը գյուղատնտեսությամբ է զբաղվում։ Քոչարյանը նշել է, որ գյուղատնտեսությունը երկրի զարգացման շարժիչ ուժերից մեկն է լինելու։
Ապրիլի 26-ին, երկրորդ նախագահ Ռոբերտ Քոչարյանը հերթական հանդիպումն է ունեցել իր աջակիցների հետ։ Ի թիվս այլ հարցերի՝ մասնակիցները հետաքրքրվել են, թե արդյոք հնարավոր է Հայաստանը դուրս բերել այս ճգնաժամից, ինչ է պետք անել դրա համար, և երբ հասարակ քաղաքացին իր վրա կզգա այդ վերականգնումը։