Ադրբեջանցիներն օրերս հերթական թիրախային կրակն են արձակել Շոշ գյուղի մոտակայքում՝ հայկական դիրքերի թիկունքում, էքսկավատորով ինժեներական աշխատանքներ իրականացնող Արցախի Մարտունու շրջանի Սոս համայնքի բնակչի ուղղությամբ։
Այս մասին ասել է Սոս համայնքի ղեկավար Հունան Գրիգորյանը, գրում է Արցախպրեսը։
Նրա խոսքով՝ վարորդն ունի վնասվածքներ, որոնք ստացել է կրակոցներից ապակիների ջարդվելու արդյունքում։ Նշվում է, որ թշնամին կրակը դադարեցրել է ռուս խաղաղապահների միջամտությունից հետո միայն։