Ամենայն Հայոց կաթողիկոսն Արցախում է։ Ժամանելով ԱՀ՝ Գարեգին Երկրորդը Ստեփանակերտում առաջին հերթին այցելել է եղբայրական գերեզման։ Այդ մասին ֆեյսբուքյան իր էջում տեղեկացրել է Մայր աթոռի տեղեկատվական համակարգի տնօրեն տեր Վահրամ քահանա Մելիքյանը։
Կաթողիկոսը ծաղկեպսակ դնելուց հետո աղոթել է նահատակված հայորդիների համար, այցելել զոհերի շիրիմներին։
Հունիսի 3-ին Ամենայն Հայոց կաթողիկոսը հայրապետական քառօրյա այցով մեկնել է Սյունիքի մարզ և Արցախ։ Այցի ընթացքում Նորին Սրբությանն ուղեկցում են հատուկ հանձնարարություններով հայրապետական նվիրակ Տ․ Պարգև արքեպիսկոպոս Մարտիրոսյանը, այլ հոգևորականներ։
Վեհափառ Հայրապետի հետ Արցախ է մեկնել նաև Հայկական Բարեգործական Ընդհանուր Միության նախագահ Պերճ Սեդրակյանը։