Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը, անդրադառնալով ԼՂ շուրջ վիճակին և ականզերծման ու գերիների հարցերին, նշել է, որ պետք է լուծել առանցքային հումանիտար հարցերը։ Այդ մասին նա գրել է Twitter-ի իր միկրոբլոգում։
«Քելբաջարում (Քարվաճառ) խաղաղ բնակիչների ողբերգական մահվան և վիրավորումի դեպք է տեղի ունեցել։ Կարևոր է տեղեկատվության ամբողջական փոխանակումը՝ արդյունավետ ականազերծման և հետագայում զոհերից խուսափելու համար։ Եվ անհրաժեշտ է բոլոր ջանքերը գործադրել առանցքային հումանիտար հարցերի, այդ թվում ձերբակալվածների ազատ արձակման համար»,-ասվում է գրառման մեջ։
Արցախյան 44-օրյա պատերազմից հետո Ադրբեջանի հսկողությանն անցած Քարվաճառի (Քելբաջարի) շրջանում զինվորական բեռնատար է պայթել ականի վրա, որի հետևանքով 3 մարդ է մահացել, կան նաև վիրավորներ։Մահացածներից 2-ը լրագրող են: