Հունիսի 10-ին արտակարգ դեպք է եղել Արմավիրի մարզում՝ Փարաքարի միջնակարգ դպրոցում փլուզում է տեղի ունեցել, տեղեկացնում է Shamshyan.com-ը։
Պարզվել է, որ փլուզումը տեղի է ունեցել դպրոցի հանդիսությունների սրահում, որը տևական ժամանակ չի շահագործվում, փլվել է հսկայական 2 բետոնե պանել։
Տուժածներ չկան, դպրոցի տնօրինությունը դեռ ամիսներ առաջ նշված հատվածը սահմանազատել է, որպեսզի երեխաներն անզգուշաբար չհայտնվեն այդ հատվածում։
Դպրոցը շահագործման է հանձնվել 1971 թվականին, այս պահին ունի 600-ից ավելի աշակերտ։