Ֆուտբոլի Եվրոպայի առաջնությունը հունիսի 11-ին մեկնարկել է Իտալիա-Թուրքիա խաղով, որտեղ թուրքերը ջախջախիչ պարտություն են կրել։ Խաղը տեղի է ունեցել Հռոմի «Օլիմպիկո» մարզադաշտում։
A ենթախմբում Իտալիայի ազգային հավաքականը 3։0 հաշվով առավելության է հասել Թուրքիայի նկատմամբ։
53-րդ րոպեին առաջին գոլի հեղինակ է դարձել Բերարդի Դոմենիկոն, 66-րդ րոպեին Չիրո Իմմովբիլեն հաշիվը դարձրել է 2։0, իսկ վերջին գոլի հեղինակ դարձել է Լորենցո Ինսինյեն:
А խմբում Իտալիայից և Թուրքիայից բացի կհանդիպեն նաև Ուելսի և Շվեյցարիայի թիմերը։
Եվրո-2020-ը պետք է տեղի ունենար անցյալ տարի, սակայն հետաձգվեց պանդեմիայի պատճառով։
Առաջնությունը կանցկացվի հունիսի 11-ից հուլիսի 11-ը: Եվրոպայի առաջնության 60-ամյակի կապակցությամբ մրցաշարը կանցկացվի 12 քաղաքում` Լոնդոնում, Մյունխենում, Սանկտ Պետերբուրգում, Բաքվում, Սևիլիայում, Հռոմում, Բուխարեստում, Դուբլինում, Կոպենհագենում, Գլազգոյում, Բուդապեշտում, Ամստերդամում: