«Համազգային» եւ «Օշական» հայ մշակութային ընկերությունների ասոցիացիան Կիպրոսում կազմակերպել է հայ նկարիչների ցուցահանդեսը: Ցուցահանդեսում ներկայացված են 24 հայ գեղանկարիչների 88 աշխատանքներ, կատարված տաբեր ոճերով: Ցուցահանդեսի բացման հուզիչ պահերից մեկը Սիրիայի Դեր-Զոր անապատից բերված Հայոց ցեղասպանության զոհերի աճյունով անոթի ցուցադրությունն էր, որ բերել էր նկարչուհի Թերեզա Ֆերայանի մայրը Լիմասոլից:

Հայտնի կիպրոսահայ նկարիչ Վարդան Թաշչյանը ներկայացրել է «Մելքոնյան» վարժարանին նվիրված 7 նկար, իսկ Թերեզա Կասպարյան-Պետրիդեսը ներկայացրել է կտավներ, որոնք կատարված են այն նույն ավանդական ոճով, որով գեղազարդում էին փայտե դռները, հաղորդում է Gibrahayer.com-ը: