Ամերիկյան Moderna ընկերությունը, որի հիմնադիրն է հայազգի գործարար Նուբար Աֆեյանը, փոխել է կորոնավիրուսի դեմ իր պատվաստանյութի անվանումը՝ այդ են վկայում Դեղամիջոցների եվրոպական գործակալության (ЕМА) տվյալները։
Այսուհետ այն կկոչվի Spikevax։ Նախկին անվանումը համընկնում էր ընկերության անվան հետ։
Անվանափոխման պատճառների մասին Moderna-ն ոչինչ չի հաղորդում, գրում է «Կոմերսանտը»։
Մայիսի սկզբին Պատվաստանյութերի համաշխարհային կոնգրեսը ճանաչել է Moderna-ն կորոնավիրուսի դեմ լավագույն պատվատանյութը։
ЕМА-ն Moderna-ի անվտանգությունը հաստատել էր դեռևս մարտին։ Ապրիլի վերջում ԱՀԿ-ն այդ պատվաստանյութն ընդգրկեց շտապ կիրառման համար խորհուրդ տրվող պատվաստանյութերի ցանկում։