Էկոնոմիկայի նախարարի պաշտոնակատար Վահան Քերոբյանը, գործադիրի նիստում անդրադառնալով գյուղմթերքի արտահանմանը, ասել է, որ հուլիսի 1-ի դրությամբ արդեն արտահանվել է 21,000 տոննա ծիրան՝ նախորդ տարվա 7200 տ-ի համեմատ։
Նա նշել է, որ արդեն գերազանցվել է 2020-ի ամբողջ տարվա ցուցանիշը, երբ արտահանվել է 19,700 տ ծիրան։
«Այսինքն ամբողջ տարվա ծավալն արդեն գերազանցել ենք։ Կարող ենք հույս ունենալ, որ մինչև տարեվերջ ծիրանի արտահանումը մոտ 50-70%-ով ավելի կլինի»,-ասել է նա։
Նախարարի պաշտոնակատարն ասել է, որ 2021-ին մոտ երկու անգամ ավելի գյուղմթերք է արտահանվել։
«Ընդհանուր գյուղմթերքի արտահանման վիճակն էլ ավելի լավ է։ Մոտավորապես կրկնակի ավելի գյուղմթերք ենք արտահանել, քան 2020 թվականի նույն ժամանակահատվածում»,-ասել է Քերոբյանը։