Ալերգիկ հիվանդություններով տառապող մարդիկ ավելի հազվադեպ են հիվանդանում կորոնավիրուսով։ Այդ մասին հայտարարել է ՌԴ Բժշկակենսաբանական դաշնային գործակալության իմունոլոգիայի ինստիտուտի տնօրեն Մուսա Խաիտովը։
«Պանդեմիայի բռնկումից ի վեր մոտ 1․5 տարի է անցել, սակայն, հենց սկզբից տվյալներ ի հայտ եկան, որ ալերգիայով հիվանդներն ավելի հազվադեպ են կորոնավիրուսով վարակվում»,-ասել է նա, գրում է ՌԻԱ Նովոստին։
Ըստ այլ հետազոտությունների, ալերգիկ բրոնխիալ ասթմայով հիվանդների մոտ կորոնավիրուսը չի ծանրացնում հիվանդության ընթացքը։
«Թե ինչի հետ է դա կապված՝ դժվար է ասել, տարբեր հիպոթեզներ կան, որոնք, սակայն, հաստատման կարիք ունեն»,-ասել է գիտնականը։
Ավելի վաղ հայտնի դարձավ, որ ՌԴ առողջապահության նախարարությունը թույլատրել է պատվաստել հղիներին «Սպուտնիկ V»-ով։ Այդ մասին հայտարարել է առողջապահության նախարար Միխայիլ Մուրաշկոն։