Հունիսի 22-ից հուլիսի 16-ն ընկած ժամանակահատվածում ավելի քան 14,000 իրանցի է այցելել ՀՀ՝ գրեթե բոլորը կորոնավիրուսի դեմ պատվաստման նպատակով։ Այդ մասին հայտարարել է Իրանի Մաքսային վարչության մամուլի քարտուղար Ռուհոլա Լատիֆին, գրում է Financial Tribune-ը։
Լատիֆին ասել է, որ 10,093 մարդ Հայաստան է ժամանել Նուրդուզի սահմանային անցակետով։
«Բացի այդ, նշված ժամանակահատվածում, Թեհրանի Իմամ Հոմեյնիի անվան միջազգային օդանավակայանից 35 չվերթ է իրականացվել դեպի Երևան՝ տեղափոխվել է 3911 ուղևոր»,- ասել է նա։
Հուլիսի 15-ից ՀՀ-ում օտարերկրացիների պատվաստման կարգը փոխվել է՝ նրանք առնվազն 10 պետք է անցկացնեն երկրում պատվաստավելու համար։
Covid-19-ի դեմ պատվաստումների մեկնարկից ի վեր հուլիսի 18-ի դրությամբ` կատարվել է 131,080 պատվաստում, որից առաջին դեղաչափ` 94,560, երկրորդ դեղաչափ` 36,520։ Կարող են պատվաստվել նաև օտարերկրյա քաղաքացիները: Պատվաստումներն անվճար են: