«Քաղաքացիական պայմանագիր» կուսակցության ընտրացուցակի երրորդ համար Լիլիթ Մակունցը հրաժարվել է Ազգային ժողովի պատգամավորի մանդատից՝ ինքնաբացարկի դիմում ներկայացնելով Կենտրոնական ընտրական հանձնաժողով։ Այս տեղեկությունը հաստատել է ԿԸՀ-ի քարտուղար Արմեն Սմբատյանը, գրում է Sputnik Արմենիան։
Մակունցին պլանավորում են նշանակել ԱՄՆ-ում ՀՀ դեսպան։ ԱՄՆ-ում գործող դեսպան Վարուժան Ներսիսյանն արդեն հետ է կանչվել։
Ավելի վաղ հայտնի դարձավ, որ ԱՄՆ-ում Մակունցի դեսպան նշանակվելու համաձայնությունը ստացվել է հյուրընկալող երկրից։
Մակունցին ԱՄՆ-ում դեսպան նշանակելու մասին լուրերը ոչ միանշանակն ընդունվեցին և քննադատության առարկա դարձան ինչպես ՀՀ-ում, այնպեսլ էլ ամերիկահայ կառույցներում։ Քննադատները նշում են, որ ԱՄՆ-ի պես երկրում ՀՀ-ն պետք է բարձրակարգ դիվանագետ և ծանրքաշային գործիչ ունենա որպես դեսպան՝ ընդգծելով հարաբերությունների կարևորությունը և խորացման պատրաստակամությունը։
