Թուրքիայի նախագահ Ռեջեփ Թայիփ Էրդողանը, որն այցով գտնվում է Հյուսիսային Կիպրոսի Թուրքական հանրապետությունում, անդրադառնալով Ադրբեջանի կողմից այդ կազմավորման ճանաչմանը, ասել է, որ այդ հարցում ոչ մի կասկած չկա։

«Իմ եղբայր Ալիևի հետ մշտապես քննարկում ենք այդ հարցը»,-ասել է Էրդողանը, գրում է ԱՊԱ-ն։

Էրդողանը նաև հույս է հայտնել, որ Ադրբեջանից բարձր մակարդակի այցերը Հյուսիսային Կիպրոս շարունակական են լինելու։

Ադրբեջանցի բարձաստիճան պաշտոնյաների պատվիրակությունը պատմության առաջին անգամ այցելել է Հյուսիսային Կիպրոս։