Գեղարքունիքում հուլիսի 28-ի մարտական գործողությունների ընթացքում անհետ կորած զինծառայողին գտել են վիրավոր, վիճակը ծայրահեղ ծանր է։ Այս մասին հայտնել է Գեղարքունիքի մարզպետ Գնել Սանոսյանը՝ հավելելով, որ Վարդենիսում բուժօգնությունից հետո այժմ նրան տեղափոխում են Երևան։
Մարզպետի խոսքով՝ վիրավոր զինծառայողը եղել է դիրքի շրջակայքում, այդ պատճառով էլ սկզբում կարծել են, թե նա անհետ կորել է, գրում է «Հետքը»։
Հուլիսի 28-ին ադրբեջանական ԶՈւ ստորաբաժանումների կողմից նախաձեռնած հարձակումից հետո ծավալված մարտական գործողությունների արդյունքում հայկական կողմն ունի 3 զոհ և 4 վիրավոր։
Ադրբեջանական կողմը հայտնել է 2 վիրավորի մասին։
Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը տեղական ժամանակով ժամը 10։00-ից։