Բռնցքամարտիկ Հովհաննես Բաչկովը դարձել է Տոկիոյի Օլիմպիական խաղերի բրոնզե մեդալակիր:

63 կգ քաշային կարգում հանդես եկող բռնցքամարտիկը կիսաեզրափակչում զիջել է ամերիկացի Քեյշոն Դևիսին:

Այսպիսով Հայաստանը Տոկիոյում 4 մեդալ է նվաճել՝ 2 արծաթ և 2 բրոնզ։ Ավելի վաղ ծանրորդ Սիմոն Մարտիրոսյանը և հունահռոմեական ոճի ըմբիշ Արթուր Ալեքսանյանը դարձել են արծաթե մեդալակիր, իսկ մարմնամարզիկ Արթուր Դավթյանը բրոնզ է նվաճել:

1/8 եզրափակչում Բաչկովը մենամարտել էր ադրբեջանցի Ջավիդ Չալաբիևի հետ և հաղթել 4։1 հաշվով, 1/4 եզրափակչում նա հաղթել էր Եվրոպայի կրկնակի չեմպիոն, ուզբեկ Էլնուր Աբդուրաիմովին։