Չեխիայի Հանրապետության վարչապետ Անդրեյ Բաբիշը, շնորհավորելով Նիկոլ Փաշինյանին ՀՀ վարչապետի պաշտոնում նշանակվելու կապակցությամբ, նշել է, հույս է հայտնել, որ երկու երկրների հարաբերությունները կշարունակեն զարգանալ փոխադարձ հետաքրքրություն ներկայացնող բոլոր բնագավառներում։
«Ես մեծապես գնահատում եմ մեր երկրների միջև առկա բարեկամական հարաբերությունները և հավատում եմ, որ դրանք կշարունակեն զարգանալ փոխադարձ հետաքրքրություն ներկայացնող բոլոր բնագավառներում՝ ի շահ մեր երկու ժողովուրդների: Ցանկանում եմ Ձեզ հավաստիացնել, որ Չեխիայի Հանրապետությունը լիովին սատարում է Ձեր ջանքերին՝ միտված Հայաստանում ժողովրդավարական սկզբունքների և ինստիտուտների հզորացմանը և պատրաստ է շարունակել կիսել իր փորձը այդ փոփոխությունների ճանապարհին»,-ասվում է շնորհավորական ուղերձում։ :
Նա նաև մաղթել է Փաշինյանին ամենայն հաջողություն իր պատասխանատու աշխատանքում և ակնկալում հետագա համագործակցություն։
