«Պատիվ ունեմը» լքել է ԱԺ նիստերի դահլիճը
«Պատիվ ունեմ» խմբակցությունը, ի նշան բողոքի, լքել է նիստերի դահլիճը։ ԱԺ նիստի սկզբին՝ վարչապետ Նիկոլ Փաշինյանի ելույթից առաջ, խմբակցության այդ որոշման մասին հայտարարել է «Պատիվ ունեմ»-ի ղեկավար Արթուր Վանեցյանը՝ խմբակցության հետ լքելով նիստերի դահլիճը։
Նա նշել է, որ խմբակցությունը դահլիճ կվերադառնա՝ ժողովրդին հուզող հարցերի պատասխանները ստանալու և կառավարության ծրագրում ներկայացված կեղծիքները բացահայտելու։
Ազգային ժողովում քննարկվում է կառավարության 5-ամյա ծրագիրը, որը ներկայացնում է Փաշինյանը։
