Ռուսական խաղաղապահ զորախմբի զինծառայողներն ապահովում են Լեռնային Ղարաբաղի բնակչության և արդյունաբերական կարիքների համար նոր կառուցվող ջրամբարի շինարարական աշխատանքների անվտանգությունը:
Խաղաղապահների ներկայությունն անհրաժեշտ է, քանի որ այն գտնվում է շփման գծի հարևանությամբ։ Այդ մասին ասել է զորակազմի ներկայացուցիչ Ալեքսեյ Կոլեսնիկովը, գրում է ՌԴ ՊՆ մամուլի ծառայությունը։
Ջրամբարը կառուցվում է Մարտակերտի շրջանում։ Նախատեսվում է, որ այն շահագործման կհանձնվի 2021-ի վերջում։
«Աշխատանքներ ենք տանում արտեզյան ջրի պաշարներ ապահովելու ուղղությամբ և դիմել ենք խաղաղապահ զորակազմի հրամանատարությանը ՝ անվտանգությունն ապահովելու համար: Խաղաղապահ զորախմբի հրամանատարությունը մեզ մի ստորաբաժանում է տրամադրել, որն ապահովում է մեր կողմից իրականացվող աշխատանքների անվտանգությունը: Շնորհակալ ենք խաղաղապահներին աջակցության համար»,- ասել է հանքարդյունաբերական ձեռնարկության ներկայացուցիչ Ադամ Գրիգորյանը:
