Ադրբեջանն ու Թուրքիան համատեղ զորավարժություններ են սկսել։ Երկու երկրի զինծառայողները զորավարժություններ են անցկացնում ըստ ռազմական գործակցության մասին համաձայնագրի, հայտնում է Ադրբեջանի պաշտպանության նախարարությունը։
Թուրք և ադրբեջանցի զինծառայողների մասնակցությամբ զորավարժությունների հիմնական նպատակը «մարտական գործողությունների պայմաններում երկու երկրների բանակների փոխգործակցության բարելավումն է, հրամանատարների մոտ ռազմական որոշումներ կայացնելու ունակությունների և ստորաբաժանումների կառավարման հմտությունների զարգացումը»։ Զորավարժությունները ներառում են նաև ստորջրյա գրոհ և ստորջրյա պաշտպանություն։
Երկկողմ համատեղ զորավարժությունները կտևեն մինչև սեպտեմբերի 12-ը։
Ադրբեջանն ու Թուրքիան պարբերաբար համատեղ զորավարժություններ են անցկացնում, որոնց հաճախականությունը 2020-ի 44-օրյա պատերազմից հետո ավելացել է։