Խոշոր ավտովթար է տեղի ունեցել Սյունիքի մարզում՝ Scania մակնիշի իրանական համարանիշներով ավտոմեքենան բախվել է Կապան-Քաջարան երթուղին սպասարկող ուղևորատար «Գազելին»։ 6 տուժած կա։
Դեպքը տեղի է ունեցել ժամը 11։50-ի սահմաններում Երևան-Մեղրի ճանապարհի 329 կմ հատվածում՝ բեռնատարը դեպի Կապան ընթանալիս դուրս է եկել հանդիպակաց երթևեկելի գոտի և բախվել դեպի Քաջարան ընթացող «Գազելին», տեղեկացնում է Shamshyan.com-ը։
Վթարի հետևանքով 6 հոգի տարբեր աստիճանի մարմնական վնասվածքներով տեղափոխվել են «Քաջարան» բժշկական կենտրոն։
Ոստիկանությունը պարզում է վարորդների և վիրավորների ինքնությունը։