Հայ գրոսմայստեր Լևոն Արոնյանն ԱՄՆ-ի Սենթ Լուիս քաղաքում ընթացող Champions Showdown արագ շախմատի մրցաշարում պարտվել է աշխարհի 13-րդ չեմպիոն Գարի Կասպարովին:
Վեց տուրից հետո Հայաստանի դրոշի ներքո հանդես եկող Արոնյանը 2.5 միավոր ունի, գրում է Sputnik Արմենիան։
Առաջին օրն Արոնյանը պարտվել է Պյոտր Սվիդլերին, հաղթել Հիկարու Նակամուրային ու ոչ ոքի խաղացել Ֆաբիանո Կարուանայի հետ: Երկրորդ օրը Արոնյանը զիջել է Կասպարովին և ոչ ոքի խաղացել Ուեսլի Սոյի (ԱՄՆ) և Մաքսիմ Վաշյե-Լագրավի (Ֆրանսիա) հետ:
Մրցաշարին մասնակցում է 10 շախմատիստ՝ Լևոն Արոնյանը, ֆրանսիացի Մաքսիմ Վաշյե-Լագրավը, ամերիկացիներ Ֆաբիանո Կարուանան, Ուեսլի Սոն, Սեմ Շենկլանդը, Հիկարու Նակամուրան, Լենյեր Դոմինգեսը, ռուս Պյոտր Սվիդլերը, աշխարհի 13-րդ չեմպիոն Գարի Կասպարովը, ադրբեջանցի Շահրիար Մամեդյարովը։
Մրցաշարի մրցանակային ֆոնդը կազմում է 150,000 դոլար:
