Ադրբեջանում հաջողությամբ ավարտվել է «Մի» տիպի ռազմատրանսպորտային ուղղաթիռի վերանորոգումը, որն իրականացվել է ռուս մասնագետների հետ համատեղ։ Նման լայնածավալ նախագծի իրականացման կապակցությամբ ադրբեջանական «Զաբրատ» օդանավակայանում տեղի է ունեցել ուղղաթիռի ընդունման միջոցառում Ադրբեջանի ՌՕՈւ հրամանատար Ռամիզ Թաիրովի մասնակցությամբ։
Սա արդեն երրորդ ուղղաթիռն է, որը նորոգվում է Ադրբեջանի տարածքում, սակայն, ի տարբերություն նախորդների, այս անգամ նորոգվել է ռազմատրանսպորտային նշանակության ուղղաթիռ, գրում է Օxu.az-ը։
Առաջին ուղղաթիռի վերանորոգումից հետո որոշվեց ստեղծել Ադրբեջանում տարածաշրջանում առաջին ավիանորոգման ձեռնարկություն։ Դրա շինարարությունը սկսվել է 2020-ին ASG Helicopter Service սպասարկման ծառայության ֆինանսավորմամբ։
Նման կենտրոնի կազմավորման նախագիծը նախատեսված է Ադրբեջանի և ՌԴ միջև ռազմատեխնիկական և տնտեսական գործակցության միջկառավարական հանձնաժողովի արձանագրությամբ։