Ֆինլանդիայի Ռովանիեմի քաղաքում շարունակվող ծանրամարտի մինչև 20 և մինչև 23 տարեկանների Եվրոպայի չեմպիոն է հռչակվել Մարգարիտա Առաքելյանը։ Այս ոսկին թվով 7-րդ չեմպիոնական մեդալն էր Հայաստանի հավաքականի համար:
Մ20 տարեկան 87 կգ քաշային աղջիկների մրցավեճում նա երկամարտի 202կգ (86+116) արդյունք է գրանցել, տեղեկացնում է Shantnews.am-ը։
Հայ մարզուհին նաև փոքր ոսկե մեդալ է նվաճել հրում վարժությունում:
Ավելի վաղ ոսկե մեդալներ էին նվաճել Գառնիկ Չոլակյանը (55 կգ), Գոռ Սահակյանը (67կգ), Ռաֆիկ Հարությունյանն (81 կգ), Կարեն Մարգարյանը (81 կգ), Կարեն Ավագյանը (81 կգ): Եվրոպայի չեմպիոն է դարձել նաև Լիանա Գյուրջյանը (81 կգ)։