Հոկտեմբերի 13-ին հանրապետության հովտային գոտիներում, այդ թվում՝ Արարատյան դաշտում և Երևանում ջերմաստիճանը կբարձրանա՝ հասնելով +25․․․+26 աստիճանի։ Այդ մասին ֆեյսբուքյան իր էջում գրել է ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։
Հոկտեմբերի 8-13-ն ընկած ժամանակահատվածում, արևադարձային տաք օդային հոսանքների ներթափանցման արդյունքում, օդի ջերմաստիճանն աստիճանաբար հանրապետության ամբողջ տարածքում կբարձրանա 8-10 աստիճանով, տեղեկացնում է ՇՄՆ Հիդրոօդերևութաբանության և մոնիթորինգի կենտրոնը։