ՀՀ վարչապետ Նիկոլ Փաշինյանը արդյունավետ է գնահատել ՌԴ նախագահ Վլադիմիր Պուտինի հետ Մոսկվայում տեղի ունեցած հանդիպումը։ Այդ մասին նա գրառում է կատարել Twitter-ի իր միկրոբլոգում։
«Այսօր հանդիպել եմ ՌԴ նախագահ Վլադիմիր Պուտինի հետ։ Հանդիպումը բավական արդյունավետ էր։ Քննարկեցինք ինչպես երկկողմ օրակարգը, այնպես էլ իրավիճակը տարածաշրջանում։ Կշարունակենք շփումները ձեռք բերված պայմանավորվածությունները կյանքի կոչելու համար»,-ասվում է գրառման մեջ։
Ավելի վաղ հայտարարվել էր, որ կողմերը քննարկելու են 2020-ի նոյեմբերի 10-ի և 2021-ի հունվարի 11-ի եռակողմ հայտարարությունների կատարման ընթացքին, տարածաշրջանում կայունության ամրապնդման, տնտեսական կապերի վերականգնման հետագա քայլերին ու տեղի ունեցող զարգացումներին վերաբերող հարցեր։
Հայտարարվել էր, որ քննարկվելու են նաև հայ-ռուսական դաշնակցային հարաբերությունների օրակարգային, ինչպես նաև ինտեգրացիոն միավորումներում հետագա փոխգործակցությանը վերաբերող հարցեր:
