2021-ի սեպտեմբերին Կովկասյան կենսաբազմազանության ապաստարանի (CWR) տարածքում տեղադրված թակարդ տեսախցիկները ֆիքսել են Նովա անունով հովազին, որն արդեն մեկ տարի է՝ մշտադիտարկվում է CWR տարածքներում, տեղեկացնում է Վայրի բնության և մշակութային արժեքների պահպանման հիմնադրամը։
Այն, որ հովազը նկատվում է նույն տարածքում, վկայում է Կովկասյան կենսաբազմազանության ապաստարանի ապահով և կերով հարուստ տարածք լինելու մասին գիշատիչ հովազի համար և վերջինս մշտական բնակություն է հաստատել CWR-ում։
«Սա մեծ ձեռքբերում է Հայաստանի բնաշխարհի և կենդանական աշխարհի պահպանման գործում»,-ասվում է հաղորդագրության մեջ։
Նովա անունով հովազն առաջին անգամ նկարահանվել է CWR տարածքում դեռևս 2020-ի աշնանը։
Կովկասյան հովազը ՀՀ կենդանիների կարմիր գրքում գրանցված հազվագյուտ կենդանատեսակ է, որի պահպանությունն այսօր չափազանց կարևոր է։ Ենթատեսակն ընդգրկված է ԲՊՄՄ Կարմիր ցուցակում (ver. 3.1) Endangered EN C2a(i), իսկ տեսակը` Near Threatened կարգավիճակով:
