Մարմնամարզության Հայաստանի տղամարդկանց հավաքականի անդամ Վահագն Դավթյանը հնարավոր է չմասնակցի Աշխարհի առաջնությանը:
Հայաստանից մեկնելիս Դավթյանի Covid-19-ի թեստը եղել է բացասական, սակայն Ճապոնիա հասնելուն պես Հանեդա օդանավակայանում նա կրկին թեստավորվել է և թեստը եղել է դրական։ Այդ մասին ֆեյսբուքյան իր էջում տեղեկացրել է Հայաստանի մարմնամարզության ֆեդերացիամ։
Նշվում է, որ Դավթյանը ոչ մի ախտանշան չունի և իրեն շատ լավ է զգում, սակայան նրան մեկուսացրել են Տոկիոյում:
«Այս պահին ՀՄՖ-ն և Ճապոնիայում ՀՀ դեսպանությունը բոլոր ջանքերը գործադրում են, որպեսզի Դավթյանից ևս մեկ անգամ covid-19 թեստ վերցնեն, քանի որ մենք համարում ենք այդ թեստի պատասխանը սխալ, սակայն նրանք դեռ հրաժարվում են կրկին թեստավորել:Այս ԱԱ-ն ոչ պատշաճ կերպով է կազմակերպված»,-ասվում է գրառման մեջ;