ԱԺ պաշտպանության և անվտանգության հարցերի մշտական հանձնաժողովի փոխնախագահի պաշտոնում «Հայաստան» դաշինքի կողմից առաջադրված թեկնածու Արթուր Ղազինյանը կրկին չի ընտրվել պաշտոնում։ Իշխանական պատգամավորները նրա թեկնածությունը մերժում են արդեն 8-րդ անգամ։
Ըստ Դոնթի բանաձևի, այդ պաշտոնում թեկնածու առաջադրելու իրավունքն ընդդիմությանն է։
Հանձնաժողովի նիստի ընթացքում Ղազինյանը հրաժարվել է պատասխանել պատգամավորների հարցերին և հրաժարվել է եզրափակիչ ելույթից։
Ավելի վաղ «Քաղաքացիական պայմանագիր» խմբակցության պատգամավոր Արմեն Խաչատրյանը, անդրադառնալով ԱԺ պաշտպանության և անվտանգության հարցերի մշտական հանձնաժողովի փոխնախագահի պաշտոնում «Հայաստան» խմբակցության պատգամավոր Արթուր Ղազինյանին երկրորդ անգամ չընտրելուն, ասել էր, որ եթե ընդդիմությունը 5 տարի աընընդմեջ նրան առաջադրի, մեծամասնությունն անընդհատ մերժելու է նրա թեկնածությունը։
