Մարդու իրավունքների պաշտպան Արման Թաթոյանի հանձնարարությամբ ՄԻՊ ներկայացուցիչները, այդ թվում՝ աշխատակազմի բժիշկը, այցելել են հոկտեմբերի 19-ին Ադրբեջանից գերությունից վերադարձած անձանց:
Կիրականացվի նրանց առողջական վիճակի ուսումնասիրություն և անհրաժեշտ այլ գործողություններ, տեղեկացնում է ՄՒՊ աշխատակազմը։
Հոկտեմբերի 19-ի ուշ երեկոյան «Էրեբունի» օդանավակայանում վայրէջք է կատարել Ռուսաստանի ռազմատիեզերական ուժերի (ՌՏՈՒ) ինքնաթիռը, որը ռուսական կողմի միջնորդությամբ Ադրբեջանից վերադարձել է Հայաստանի 5 քաղաքացիով։ Հայաստան են վերադարձել Մելս Կարապետի Ամբարդանյանը, Ռաֆիկ Ռոբերտի Կարապետյանը, Ժորա Վանոյի Մանուկյանը, Սեդրակ Սամվելի Սողոմոնյանը, Հովսեփ Ռոբերտի Մանուկյանը։ Նրանք բոլորը Շիրակի մարզից են։