«Ազգի ձայն» կուսակցության առաջնորդ, երգիչ Մհեր Մեսրոպյանը, որն առավելապես հայտնի է որպես Մհեր Արմենիա, Սյունիքի մարզի Շուռնուխ գյուղից ոտքով գալիս է Երևան։ Նա հայտարարել է համազգային շարժման մեկնարկի մասին, որը կոչված է թույլ չտալու, որ նոյեմբերի 9-ին ստորագրվի նոր եռակողմ համաձայնագիր, որը ցավոտ հետևանքներ կունենա։ Այդ մասին Մհեր Արմենիան հայտարարել է «Ազգի ձայն» կուսակցության ֆեյսբուքյան էջի ուղիղ եթերում։
Նրան ուղեկցում են իր երկու թիմակիցը։ Մհեր Արմենիան կոչ է արել հայրենակիցներին միանալ իրենց, միանալ շարժմանը։ Նա նշել է, որ ճանապարհը կտևի 15 օր և նոյեմբերի 7-ին իրենք ծրագրում են լինել Հանրապետության հրապարակում։
Շարժման պահանջն է կառավարության հրաժարականը վարչապետ Նիկոլ Փաշինյանի գլխավորությամբ, սակայն, օրենսդրի հրաժարական չեն պահանջում։
Մհեր Արմենիան հայտարարել է նաև, որ ժամը մեկ դուրս են գալու ուղիղ եթեր։
«Ազգի ձայն» կուսակցությունը հիմնվել է 2021 թվականի ապրիլին։