Կառավարության պահուստային ֆոնդից Ազգային անվտանգության ծառայության կարիքների համար մոտ 102 մլն դրամ (101,920,000 դրամ) կհատկացվի: Հարցն ընդգրկված էր կառավարության օրակարգի չզեկուցվող հարցերի թվում։
Նախագծի երկրորդ և երրորդ կետերը գաղտնի են: Նախագծի հիմնավորման մեջ նշվում է, որ նախագծի ընդունումը պայմանավորված է ԱԱԾ բնականոն գործունեությունն ապահովելու անհրաժեշտությամբ:
Գումարը հատկացվում է համապատասխան ծառայությունների և տրանսպորտային սարքավորումների ձեռքբերման նպատակով։
Ակնկալվում է, որ նախագծի ընդունման արդյունքում առավել արդյունավետ կիրականացվեն ծառայության առջև դրված խնդիրների լուծման աշխատանքները: