Արմավիրում դեկտեմբերի 5-ին կայանալիք ընտրություններում «Քաղաքացիական պայմանագիր» կուսակցությունից բացի, այլ ուժ չի առաջադրվել, գրում է «Հայկական ժամանակը»։
Դեկտեմբերի 5-ին ՀՀ 30-ից ավելի համայնքներում սպասվում են ՏԻՄ ընտրություններ, որոնցից մեկն Արմավիրի մարզի Արմավիր համայնքն է։
Տեղեկությունը հաստատել է նաև Արմավիրում ՔՊ թեկնածու Դավիթ Խուդաթյանը, որը նաև Արմավիրի գործող քաղաքապետն է։
Խուդաթյանն Արմավիրի քաղաքապետ էր ընտրվել 2018-ին։ Ընտրություններին մասնակցած 9937 քաղաքացուց 6693-ը քվեարկել էր նրա օգտին։