Հայաստանը Չինաստանից ձեռք է բերել Covid-19-ի դեմ չինական «Սինոֆարմ» պատվաստանյութի հերթական խմբաքանակը` 400,000 դեղաչափ, հայտնում են Առողջապահության նախարարությունից:
Նշվում է, որ առաջիկայում այն հասանելի կլինի առողջության առաջնային պահպանման օղակներում և պատվաստումային շարժական կետերում:
«Սինոֆարմը» նախատեսված է 18 և բարձր տարիքի անձանց շրջանում Covid-19-ի դեմ պատվաստումներ իրականացնելու համար: Այն ունի Առողջապահության համաշխարհային կազմակերպության կողմից արտակարգ իրավիճակներում կիրառման թույլտվություն: