ՀՀ նախագահ Արմեն Սարգսյանը հայտարարել է, որ անթույլատրելի և անընդունելի է համարում ցանկացած ոտնձգություն Հայաստանի Հանրապետության սահմանների, տարածքային ամբողջականության և ինքնիշխանության, ՀՀ քաղաքացիների կյանքի, նրանց ազատ և անվտանգ տեղաշարժի և բոլոր մյուս հիմնարար իրավունքների նկատմամբ։ Այդ մասին նա գրել է իր Telegram-ալիքում։

«Ցանկացած ոտնձգության դեպքում համապատասխան պետական մարմինները և պաշտոնյաները Սահմանադրությամբ և օրենքներով նախատեսված իրենց լիազորությունների շրջանակներում պարտավոր են ձեռնարկել բոլոր միջոցները և օգտագործել բոլոր հնարավորությունները՝ ապահովելու համար Հայաստանի Հանրապետության պաշտպանությունը, անվտանգությունը, տարածքային ամբողջականությունը և նրա սահմանների անձեռնմխելիությունը»,- ասվում է գրառման մեջ։