ՀՀ տարածքում կան փակ և դժվարանցանելի ճանապարհներ, տեղեկացնում է Արտակարգ իրավիճակների նախարարությունը։
Փակ է Արագածոտնի մարզում «Ամբերդ» բարձր լեռնային օդերևութաբանական կայանից դեպի Քարի լիճ տանող ճանապարհը։
Քարաթափման վտանգի պատճառով Զովունիից դեպի Կորեայի ձոր տանող ճանապարհը ժամանակավորապես երկկողմանի փակ է։
Վանաձոր-Ալավերդի և Վանաձոր-Դիլիջան ճանապարհները դժվարանցանելի են կցորդիչով բեռնատարների համար։
Սյունիքի մարզի Գորիս, Կապան, Մեղրի քաղաքներում և Սարավան-«Զանգեր» ճանապարհահատվածում ձյուն է տեղում։
Կոտայքի մարզի «Չայնիի ոլորաններ» կոչվող հատվածում, Գեղարքունիքի մարզի Սևան քաղաքի ճանապարհներին, Վարդենյաց լեռնանցքում, Լոռու մարզի Թումանյան, Ստեփանավան և Տաշիր քաղաքների ճանապարհներին, Շիրակի մարզի Աշոցքի տարածաշրջանում, Լանջիկ-Մարալիկ, Արթիկ-Ալագյազ ճանապարհներին, Ջաջուռի և Քեթիի ոլորաններում, Արագածոտնի մարզի Ապարան-Ծիլքար և Թալին-Մաստարա ճանապարհներին տեղ-տեղ մերկասառույց է։
Սյունիքի մարզի Սիսիան-Գորիս ճանապարհին և Կոտայքի մարզի Եղվարդ քաղաքում մառախուղ է։
Վարորդներին խորհուրդ է տրվում երթևեկել բացառապես ձմեռային անվադողերով։
