«Այս պահի դրությամբ Հայաստանի ոստիկանության պետի տեղակալ Գեւորգ Մհերյանի սպանության մասին նոր տեղեկություններ չկան, սակայն կան սպանության նոր վարկածներ, որոնք մշակվում են, ինտենսիվ հետաքննություն է գնում»,-այսօր լրագրողներին է հայտարարել Հայաստանի ոստիկանության կազմակերպված հանցավորության դեմ պայքարի գլխավոր վարչության պետ, գնդապետ Հունան Պողոսյանը:

«Ոստիկանության պետի, Ազգային անվտանգության ծառայության տնօրենի ու գլխավոր դատախազի համատեղ հրամանով ստեղծվել է օպերատիվ-քննչական խումբ, որտեղ ընդգրկված են երեք կառույցների փորձառու աշխատակիցներ»,-ասել է նա: