ՌԴ խաղաղապահները մեկ օրում ավելի քան 2000 մարդու ելումուտ են ապահովել Արցախ
Արցախում տեղակայված ռուսական խաղաղապահ զորախմբի զինծառայողները ԼՂ-ում դիտակետերով և Լաչինի միջանցքով մեկ օրվա ընթացքում ապահովել են ավելի քան 2000 մարդու ելումուտ, հայտնում է ՌԴ ՊՆ մամուլի ծառայությունը։
Ռուս խաղաղապահները շուրջօրյա վերահսկում են իրավիճակն ու հետևում են հրադադարի պահպանման ռեժիմին։
Լաչինի միջանցքում և ԼՂ սահմանազատման գծի ամբողջ երկայնքով տեղակայված են ՌԴ խաղաղապահ ուժերի 27 դիտակետ։
Դիտակետերում ծառայություն իրականացնող ռուս խաղաղապահները կրում են «Ռատնիկ» հանդերձանքը։ Դիտակետերը կահավորված են ժամանակակից լուսադիոդային լուսարձակներով, անխափան էլեկտրասնուցման աղբյուրներով և տեսախցիկներով։
