ՀՀ-ն ևս մտադիր է գլխավոր հյուպատոսություն բացել Իրանում
Հայաստանը ևս աշխատում է Իրանում գլխավոր հյուպատոսություն բացելու ուղղությամբ։ Այդ մասին ասել է ԱԳՆ մամուլի խոսնակ Վահան Հունանյանը՝ մեկնաբանելով Կապանում Իրանի հյուպատոսություն բացելու մասին ԻԻՀ կառավարության որոշումը, տեղեկացնում է Sputnik Արմենիան։
«Մենք նույնպես աշխատում ենք Իրանում Հայաստանի Հանրապետության գլխավոր հյուպատոսություն բացելու ուղղությամբ»,-ասել է Հունանյանը։
Դեկտեմբերի 29-ի նիստում Իրանի կառավարությունը հավանություն է տվել արտաքին գործերի նախարարության՝ ՀՀ Սյունիքի մարզի Կապան համայնքում հյուպատոսություն բացելու առաջարկին:
