Հունգարիայի կողմից Հայաստանին նվիրաբերած կորոնավիրուսի դեմ պատվաստանյութը AstraZeneca է։ Այդ մասին հայտնել է ՀՀ առողջապահության նախարարությունը։
«Մարդասիրական օգնության շրջանակներում Հունգարիան 100,000 դեղաչափ «ԱստրաԶենեկա» պատվաստանյութ է նվիրաբերել Հայաստանին»,-ասվում է նախարարության հաղորդագրության մեջ։
Ավելի վաղ Հունգարիայի ԱԳ նախարար Պետեր Սիիյարտոն հայտարարել է, որ Հունգարիայի կառավարությունը կորոնավիրուսի դեմ 100,000 դեղաչափ պատվաստանյութ է նվիրել Հայաստանին և որ կառավարությանը պատկանող բեռնատար օդանավը դեկտեմբերի 29-ի առավոտյան մեկնել է Բուդապեշտի օդանավակայանից։
ՀՀ-ում կորոնավիրուսի դեմ պատվաստում են «Սպուտնիկ V», ինչպես նաև Modernaս AstraZeneca, Sinopharm, Coronavac պատվաստանյութերով