Ամանորի գիշերը «Սուրբ Աստվածամայր» ԲԿ է ընդունվել հրավառության տարբեր տեսակներից տուժած 4 երեխա, տարբեր աստիճանի վնասվածքներով։ Այդ մասին ասվում է բուժկենտրոնի ֆեյսբուքյան էջում։
«Երեխաներից երկուսի մոտ եղել են անդամահատված մատներ, ճայթուկը պայթել է հենց ձեռքերի մեջ, մյուս երկուսի մոտ համեմատաբար թեթև վնասվածքներ են եղել»,-ասվում է գրառման մեջ:
«Սուրբ Աստվածամայր» ԲԿ-ի պլաստիկ վիրաբույժների կողմից երեխաները վիրահատվել են և դուրս գրվել հիվանդանոցից: