Առողջապահության նախարար Անահիտ Ավանեսյանը, կառավարությւան նիստում անդրադառնալով գրիպի շրջանառության հետ կապված վիճակին, տեղեկացրել է, որ այս պահի դրությամբ գրիպով հիվանդ 595 քաղաքացի է հոսպիտալացված, որոնց 95 տոկոսը մինչև 18 տարեկան երեխաներ են:
Նա նշել է, որ գրիպով հիվանդացության աճը գրանցվել է դեռևս 2021-ի նոյեմբերից, իսկ վերջին 10 օրվա ընթացքում կայունացման միտում կա։ Նախարարը վստահեցրել է, որ հիվանդանոցները պատրաստ են դիմակայել նաև գրիպի շրջանառությանը:
Ավանեսյանը հայտարարել է, որ սեպտեմբերից Հայաստանում առկա է գրիպի շրջանառվող շտամերի դեմ պատվաստանյութը։
«Որևէ հակացուցում չկա, որ կորոնավիրուսի դեմ պատվաստանյութի հետ միաժամանակ քաղաքացիները ստանան նաև գրիպի դեմ պատվաստումը»,-նշել է նա։