Երևանում ԱՄՆ դեսպանատան շենքի մոտ՝ Ծովակալ Իսակովի արձանի մոտից տեղի է ունեցել DV-2022 հայաստանյան «Գրին քարտի» շահառուների բողոքի ակցիան:

Նրանք նշում են, որ արդեն տևական ժամանակ բյուրոկրատական քաշքշուկների մեջ են և ուզում են հասկանալ Հայաստանից շահառուներ չհրավիրելու պատճառները, գրում է Panorama.am-ը։

Նրանք դուրս են եկել փողոց «Չենք ուզում կորցնել մեր հնարավորությունը», «Ուզում ենք պայծառ ապագա մեր երեխաների համար», «5 րոպե հարցազրույցը հեռացնում է մեզ մեր երազանքից» ու այլ գրություններով պաստառներով։

Ցույցի մասնակիցները ծածկել են դեմքերը, հրաժարվել խոսել լրագրողների հետ։