Շիրակի մարզում պատվաստվել է չափահաս ազգաբնակչության 41.5 տոկոսը։ Առաջին դեղաչափը ստացել է 73,000, երկրորդը՝ 58,838 բնակիչ, տեղեկացնում է Շիրակի մարզպետարանը։
Մարզում ընթացքի մեջ է նաև Covid-19-ի դեմ խթանիչ (բուստեր) դեղաչափով պատվաստում իրականացնելու գործընթացը։
Նշվում է, որ Շիրակի մարզպետարանի առողջապահության և սոցիալական ապահովության վարչության պետի պարտականությունները կատարող Լեյլի Ասլանյանը Գյումրու պոլիկլինիկաների տնօրենների հետ հանդիպման ժամանակ անդրադարձել է ազգաբնակչության պատվաստումային ընդգրկվածությանն ու ցուցանիշներին՝ կարևորելով առողջության առաջնային պահպանման օղակի առավել ինտենսիվ աշխատանքը։