Ուկրաինայի նախագահ Վիկտոր Յուշենկոյի հրամանագրով, Ուկրաինայի Ազգային օպերայի մեներգչուհի Սուսաննա Չախոյանն արժանացել է«Ուկրաինայի վաստակավոր արտիստի» կոչմանը: Քնարական-կոլորատուրային սոպրանո Սուսաննա Չախոյանն առանձնանում է հարուստ ձայնով եւ փայլուն արտիստիզմով: Այդ մասին հաղորդում է Analitika.at.ua տեղեկատվական վերլուծական պորտալը:

Ուկրաինայում օպերային երգչուհի Սուսաննա Չախոյանին անվանում են Վերդիի լավագույն կատարողը` նրա վոկալային տվյալների շնորհիվ: Ավստրիայում, Գերմանիայում, Հունգարիայում, Սլովակիայում, Իսպանիայում կայացած մի շարք միջազգային վոկալային մրցույթների մրցանակակիր Սուսաննա Չախոյանն իր վոկալը զարգացրել է համաշխարհային ճանաչում ունեցող երգչուհի Եվգենիա Միրոշնիչենկոյի մոտ: