Հունվարի 29-ի դրությամբ Վրաստանում գրանցվել է կորոնավիրուսի 1,145,508 դեպք՝ նախորդ օրվա համեմատ ավելանալով 18,274-ով, տեղեկացնում է stopcov.ge կայքէջը:
Վերջին 24 ժամում կորոնավիրուսից մահացել է 41 մարդ: Համավարակի մեկնարկից մինչ օրս կորոնավիրուսից մահացել է 14,911 անձ:
Ապաքինվել է ևս 8400 պացիենտ և նրանց ընդհանուր թիվը կազմում է 995,328:
Երկրում ընդհանուր կատարվել է 2,704,957 պատվաստում: Ստացիոնար հսկողության տակ է 5084 մարդ:
Ինտենսիվ թեստավորմամբ մեկ օրում անցկացվել է 84,762 թեստ, որից 48,320-ը՝ հակագենի արագ թեստով և 34,442-ը՝ ՊՇՌ: